As xornadas ábrense coa grande obra do Expresionismo Alemán. Un abraiante film baseado na famosa historia do Golem de Praga e adaptada polo cineasta Paul Wegener. A proxección do filme estará acompañada pola curtametraxe "The First Film of Palestine", a primeira testemuña audiovisual da Palestina otomana.

Unha das grandes películas da era silente, para moitos considerada a mellor película do cinema mudo; "Amencer" supuxo o debut en América de F. W. Murnau (tras facer en Alemaña filmes imprescindibles como "Nosferatu" ou "Fausto". Unha historia que nos fala de amor, vinganza e redención cunha incomparable mistura de drama e comedia. A proxección do filme estará acompañada pola curtametraxe "A Corner in Wheat".

Un ano mais, Buster Keaton volve ser o fin de festa das xornadas cunha espectacular dobre sesión na que poderemos gozar de dúas das súas obras: a primeira, "Seven Chances" e a segunda, que poderá elixir o público durante o concerto!

Descobre as películas mudas como nunca o fixeras antes coa nosa experiencia de Realidade Aumentada, na que ao longo dos xardíns da Fundación poderás interactuar con personaxes e elementos das películas e descubrir unha morea de datos sobre elas. Hai unha experiencia inmersiva distinta agardando por ti cada día!

Mergúllate e resolve a misteriosa historia das xoias de "Sherlock Jr". na nosa Escape Room virtual deseñado especificamente para os xardíns da Fundación Sales.  A participacion no escape room está incluida no prezo da entrada.

Presentación dos traballos fotográficos "Unha Viaxe a Brobdingnag" (Blas González), Los Invisibles (Francisco Uceda) e "Me llaman calle" (Jorge Lens). Poderánse gozar cada día entre a proxección da curtametraxe e a da longametraxe.